मोताळा: तालुक्यातील पोफळी येथील २४ वर्षीय युवकाचा पाझर तलावात बुडून दुदैवी मृत्यू झाला. सदर घटना १६ नोव्हेंबर रोजी सायंकाळी साडेसहा वाजेच्या सुमारास घडली. मृतकाचे नाव निखील लक्ष्मण ताठे असे आहे.
मोताळा तालुक्यातील धा.बढे पोलिस स्टेशन हद्दीतील पोफळी येथील निखील लक्ष्मण ताठे हा युवक १६ नोव्हेंबर रोजी शेतातील कामे आटोपून बैलगाडी घेवून घराकडे येत होता. दरम्यान, सायंकाळी साडेसहा वाजेच्या सुमारास बैलांना पाणी पाजण्यासाठी तो गुगळी शिवारातील पाझर तलावाकडे गेला होता. यावेळी अचानक बैलांनी बैलगाडी पाण्यामध्ये ओढल्याने बैलगाडी पलटी झाले. यामध्ये दोन्ही बैल व निखील ताठे या २४ वर्षीय युवकाचा पाण्यामध्ये बुडून दुदैवी मृत्यू झाला.याप्रकरणी दादाराव शा.गावंडे यांच्या फिर्यादीवरुन धा.बढे पोलिसांनी मर्ग दाखल केला आहे.
